tg-me.com/qwqerd/1720
Last Update:
لمن شفته الدم ينگط// كلت لعمتي جوا شنحط
كل هاي الفتره/ ينزف من نحره/ماظلت قطره/من عنده
≈≈≈≈≈≈≈≈≈≈≈≈≈≈≈≈≈≈≈≈
راس ونشف من الدمه طول الدرب ينگط جان
حاولت انزله من الرمح ومنعني خوف النسوان
مو بلطشت ينحط تره بحضني اله جان مجان
يمك خفت انه اجي وبثوبي تشتم دخان
الاصعب منها خشنه چفوفي//الجم وجهك بلمسه خوفي
خشنات من الجر/وطيحات ال بلبر/وعل شوچ اتعثر/مجروحات
≈≈≈≈≈≈≈≈≈≈≈≈≈≈≈≈≈≈≈≈
شبگتني فجأه عمتي عن لا اشوف الي صار
بكعب الرمح راسه نظرب وسنونه صارن طشار
التمو علي داير شفت وبقوه ظربو بحجار
كلهم ولا بيهم رحم لا نسوه ورجال كبار
اصعب موقف شفته بعيني//الحافر ساحگ راس حسيني
الراس البجفوفه/كل احنه نشوفه/صحنه علي عوفه/ مايسمع
≈≈≈≈≈≈≈≈≈≈≈≈≈≈≈≈≈≈≈≈
شفت بطشت راسه نطرح ولعمري باقي لحظات
وركظت ليه بلا وعي بكل خطوه اشبع طيحات
من عينك ينگط دمه ومن عيني تنزل دمعات
تتظاحكن عدجن ابو وتتفرجن يبنيات
ياهي المنچن مثلي تعاني / عدچن والد مو مثلي اني
ايده ب ايديچن/ ويخاف عليچن/جروح ينسيچن/مو مثلي
≈≈≈≈≈≈≈≈≈≈≈≈≈≈≈≈≈≈≈≈
شافت ابوها بل حلم وفزت اريده صاحت
وجابولها الراس وبجت ونغمه عليها وطاحت
شبگت الراس وغمظت من گد حزنها نامت
وصاح العليل بكل حزن وخرو الزغيره ماتت
باست نحره وماتت فوگاه/ ماتت حرگه وحزن لفرگاه
خلصت هل فرگه/وباخر شبگه/ ماتت محترگه / ارقية
≈≈≈≈≈≈≈≈≈≈≈≈≈≈≈≈≈≈≈≈
خمسة سنين وكم شهر بنيه بعمرها تلعب
مو مالت اسياط وجمر ومن الهزيله تتعب
تنام بخرابه بلا سگف ولليل كله تنحب
اثگيله السناسل ياخلگ ظهر الزغيره حدب
السوط شكبره وهيه زغيره/ بسدمن تلبد حتارت حيره
بلهيمه ركظت/كم مره تعثرت/ من الضيم تغيرت/مو هيه
≈≈≈≈≈≈≈≈≈≈≈≈≈≈≈≈≈≈≈≈
ازرگ جسمها من الظرب اشگد مصايب شافت
بعد الممات وبلغسل منها التغسل خافت
خاف انعدي بيها مرض بعدوها عني صاحت
ازرگ جسمها چن سمه ذيچ الحمامه صارت
جلد مزورگ چنه الماي //التغسل صاحت بتمن هاي
التغسل بيها/سالتنه شبيها/متورمات ايديها/ وجلد ازرگ
≈≈≈≈≈≈≈≈≈≈≈≈≈≈≈≈≈≈≈≈
تمت _ ازهر الزيدي
BY الخادم ازهـر الزيدي
Warning: Undefined variable $i in /var/www/tg-me/post.php on line 283
Share with your friend now:
tg-me.com/qwqerd/1720